भुँडीपुराण प्रकाशनको “सजिलो अङ्ग्रेजी बोलचाल पाठमाला” गुणराज लुइटेल र तेजबहादुर श्रेष्ठद्वारा तयार पारिएको पाठ्यसामग्री हो।
भाषिक ज्ञान व्यक्तिको निजी सम्पत्ति हो। घर-व्यवहार, व्यवसाय, शिष्टता, सेवा संचार, लेनदेन, पर्यटन, पदयात्रा, सूचना प्रविधि, सामाजिक संजाल लगायतका क्षेत्रहरूमा अङ्ग्रेजी भाषाको प्रयोग अधिक छ। सम्बन्धित क्षेत्रका शब्दावली, तिनीहरूको प्रयोग, भाषिक व्याकरण, वार्ताशैली, उच्चारण, भाषिक अनुवाद र प्रयोगपछि आफ्नै मुल्याङ्कनका लागि अभ्यास खण्डसमेत समावेश गरी यो पुस्तक तयार पारिएको छ।
साधारण लेखपढ गर्न जान्ने साक्षरदेखि भाषिक सचेतक सबैमा यो पुस्तक उपयुक्त हुने विश्वास गरिएको छ।
सिकाइका प्रारम्भिक चरणमा गरिने वेवास्ताले पनि भाषिक ज्ञानमा कमी आउँछ र प्रयोगमा समस्या देखापर्छ। अङ्ग्रेजी भाषामा प्रयोगका हिसाबले एउटै शब्दले पनि विविध अर्थहरू दिन्छ भने धेरै शब्दहरू पनि एउटै अर्थका लागि प्रयोग हुन सक्छन्।
यो पुस्तकलाई गाउँदेखि सहरसम्म, राष्ट्रदेखि अन्तर्राष्ट्रिय क्षेत्रमा रहनुभएका सबै नेपाली भाषीहरूमा सुम्पिएका छौँ।