भुँडीपुराण प्रकाशनको “कालिगढ” भक्त बहादुर बुढाद्वारा तयार पारिएको एक कथासंग्रह हो।
‘कालिगढ’ कथाकार बुढाका २२ वटा कथाहरूको संग्रह हो भने शिर्षकथा ‘कालिगढ’ तिनै मध्येको एउटा प्रतिनिधि कथा हो।
‘कालिगढ’ नेपाली आधुनिक, अथवा, अझ उत्तरआधुनिक कथा-साम्राज्यमा एउटा चक्रवर्ती सम्राटको रुपमा प्रतिष्ठित हुन सक्तछ।
अति सूत्रात्मक रुपमा भन्नु पर्दा, आञ्चलिक आस्वाद, प्रादेशिक ज्वलन, स्थानिक रंग र ग्रामीण जीवनको उष्माले ओतप्रोत यस संग्रहभित्रका कथाहरू विशुद्ध नेपाली ग्रामीण जीवन र चारण क्षेत्रका भोगाइका यथार्थतम रुपहरू हुन्।