भरतगङ्गा फाउन्डेसनद्वारा प्रकाशित “यात्रा (दोस्रो पाइला)” भरत महर्जनद्वारा तयार पारिएको संस्मरण कृति हो।
काठमाडौको रातुपुलमा ‘शमीबोट’ नामबाट परिचित स्थानमा सर्वनिदान फार्मेसी संचालन गरेर आरोग्यका लागि विगत तीन दशकदेखि अनवरत मानव सेवा गरिरहेका महर्जनको बोली, व्यवहार र कलम मानवकल्याणप्रति समर्पित रहेको हामीले अनुभूत गरेका छौं।
यो कृति यिनै क्षेत्रका धेरै हस्तीहरूको जमघट हुने थलो पनि हो, जसबाट उनमा कला क्षेत्रप्रति एउटा गहिरो अनुराग उत्पन्न भयो। त्यसै अनुरागको प्रकटीकरण पनि यस पुस्तकको एउटा ध्येय हो।