भुँडीपुराण प्रकाशनको “बोध, सृजना र सम्पादन” बद्रीप्रसाद ढकालद्वारा तयार पारिएको पुस्तक हो।
साहित्य त्यस्तो वस्तु हो जसले जस्तै कठोर मानिसलाई क्षणमै पगाल्छ त्यसैले सृजनाभित्र अपार शक्ति छ। कथा गीत, गजल वा श्रव्यदृश्यका माध्यमबाट मानिसभित्रको कोमलपनलाई छुन सकिन्छ र त्यसको प्रभावमा मानिस (सेन्टिमेन्टल) भावात्मक बन्दछ।
यस पुस्तकको रचना मानिसभित्रको त्यही कोमलपन र त्यसले उमार्ने साहित्यको सृजनाको विषयमा लेखिएको हो। बोध वा अनुभूतिको विषयबाट भाव वा विचारको सृजना र त्यसको सम्पादन पछि प्रकाशनबाट एउटा सिंगो रचना बन्दछ भन्दै साहित्यका विधागत निर्माणको उद्देश्यले तयार पारिएको यस पुस्तकबाट साहित्य सृजना गर्न चाहनेका लागि उपयोगी बन्नेछ भन्ने आशा राखेका छौँ।